അവര്‍ വെറും ആത്മാക്കള്‍  

Posted by Askarali

ഇവിടെ ഒരു വലിയ നാടകം നടന്നമാതിരി
ഇപ്പോള്‍ രംഗം ശൂന്യം
ആ നാടകത്തില്‍ ആത്മയുടെ റോള്‍ എന്തായിരുന്നു
വെറും വിഡ്ഡിവേഷം
ബാക്കി കഥാപാത്രങ്ങള്‍ക്കൊക്കെ തമ്മില്‍ തമ്മില്‍ അറിയാം, ആത്മ ആരാണെന്നും അറിയാം
ആത്മയ്ക്കോ? ഒറ്റക്കുഞ്ഞിനെപ്പോലും അറിയില്ല. ആണോ പെണ്ണോ എന്നുകൂടി അറിയില്ല
പ്രായം അറിയില്ല, സ്വഭാവം അറിയില്ല,
പെണ്ണാണെന്നു കരുതി അടുത്തവര്‍‍ പെട്ടെന്ന് ആണാകുന്നോ!
അപരിചിതരെന്നു കരുതുന്നവര്‍ അറിയപ്പെടുന്നവരാകുന്നു!
വില്ലനെന്നു കരുതിയവര്‍ നായകന്മാരാകുന്നു!
അങ്ങിനെ ആത്മയെ കുഴക്കിയ ഒരു വലിയ നാടകം.
(ഒരുകണക്കിന് അതുതന്നെയാണ് നല്ലത്. കഥ നേരത്തെ അറിയാമെങ്കില്‍ വായന ബോറാകില്ലെ., സസ്പെന്‍സ് നഷ്ടമാകും നാടകത്തിന്റെയും. ജീവിതത്തില്‍ ഒരിച്ചിരി നേരമ്പോക്ക്. അതേ പാടുള്ളു ട്ടൊ:)
അവരെല്ലാം പോയി. അരങ്ങൊഴിഞ്ഞു.
ആത്മ തനിച്ചായി.
ആത്മയ്ക്കവരോട് ആളാരാനെന്നറിയാതിരുന്നിട്ടും അടുപ്പം തോന്നന്‍ കാരണം?
വെറുതെ, എഴുതുന്നവരോടുള്ള (സാഹിത്യകാരന്മാരോടുള്ള) ഭക്തി.
അല്ലാതെ അവരെയൊന്നും നേരിട്ടു കണ്ടിട്ടൊന്നും ഇല്ലല്ലൊ.
അതല്ലെ ആത്മയെ വിഡ്ഡിവേഷം കെട്ടിച്ചത്. ഉം സാരമില്ലാ,
എല്ലാം വാഗ്ദേവതയുടെ കുസൃതി എന്നു കരുതി സമാധാനിക്കാം അല്ലെ,
അല്ലെങ്കിലും ആത്മയുടെ ജാതകത്തില്‍ ഉണ്ട്, നേരില്‍ കാണാത്ത ആത്മാക്കളുമായി സഹവസിക്കാനെ ഈ ജന്മം യോഗമുള്ളു എന്ന്.
അവര്‍ വെറും ആത്മാക്കള്‍... :)
ആരും ചിരിക്കണ്ട കേട്ടോ, ആത്മ ആത്മഗതം ചെയ്യുകയാണേ..

This entry was posted on 11:05 AM and is filed under . You can leave a response and follow any responses to this entry through the Subscribe to: Post Comments (Atom) .

0 comments